Te hōtaka whakaako o Rangatahi Futures

Ko tā te hōtaka whakaako o Rangatahi Futures he tautoko i ngā kaiako ki te whakatairanga i ngā tikanga me ngā kōrero tuku iho a te Māori hei āwhina i ngā ākonga Māori ki te kimi i te ara mahi e tika ana mā rātou.

Pikitia o tētahi waka Māori

He hōtaka whakaako a Rangatahi Futures e whakatairanga ana i te ao Māori hei ara ki te ao mahi

Mō Rangatahi Futures

E hāngai ana a Rangatahi Futures ki te hunga rangatahi Māori. Ko te whāinga nui, he tautoko i a rātou ki te kimi māramatanga mō te ao mahi mā ngā kōrero tuku iho a ō rātou tūpuna.

I te tau 2014, i whakamātauria te kaupapa i roto i ngā kura 11 o Te Waipounamu. I reira i kitea ngā tino hua o Rangatahi Futures, ināianei, kei te tukuna te kaupapa ki te motu whānui. Ka whai hua a Rangatahi Futures ki ngā wāhi ako me ngā rōpū ā-hapori e mahi tahi ana ki ngā rangatahi Māori.

Te hōtaka mō ngā Tau 10

Mā te hōtaka o Ngā mahi a ngā tūpuna:

  • ka whakaaroaro ngā rangatahi ki ngā terenga waka o ō rātou tūpuna
  • ka toro atu rātou ki ngā pūkenga ako o te ao mahi 
  • ka whakatutuki i a rātou tētahi mahere whai mahi.

Mā tēnei kaupapa ka toro atu te hunga rangatahi ki ngā whakaaro matua me ngā tikanga a te ao mahi mā ngā kōrero tuku iho a ō rātou tūpuna.

Ka tau mai te Māori ki Aotearoa kei a rātou kē ngā pūkenga me ngā mātauranga o ō rātou tūpuna

Te hōtaka mō ngā Tau 11

Mā te hōtaka o Te ao ōhanga Māori:

  • ka ako ngā rangatahi mō ngā pakihi Māori o mua, o nāianei hoki 
  • ka mōhio rātou ki te hononga o ngā pakihi ki te ao ōhanga, ki ō rātou whānau, ki ngā hapū, ki ngā iwi me ngā hapori 
  • ka mōhio rātou ki ngā momo ara mahi i te ao ōhanga Māori. 

Ka ākina ngā rangatahi ki te kimi i te ara mahi tika mā rātou anō, ahakoa te momo mahi, kia tū pakari ai rātou i te ao ōhanga o Aotearoa.

Me pēhea te whakaako i te Rangatahi Futures?

Ka whakatūria ngā hui whakangungu mō Rangatahi futures e ā mātou kaiako i roto i ngā wāhi whakaako.

Ka tutuki i a koe taua kaupapa ka whiwhi koe i tētahi kupu huna me te hononga ki ngā rauemi a Rangatahi Futures i roto i te reo Māori me te reo Ingarihi.

Ngā rauemi i te reo Māori me te reo Ingarihi

Kei te reo Māori me te reo Ingarihi ngā rauemi katoa a Rangatahi Futures.

Whakapā mai

Mēnā kei te pīrangi koe kia tū tētahi hui whakangungu mō Rangatahi Futures ki tō wāhi ako, e hiahia ana rānei koe ki ētahi atu whakamārama, tēnā koa whakapā mai ki 0800 222 733 īmēra rānei.

Updated 15 Nov 2018